Dalja në Stane

Rajoni i Dragashit është kryesisht malor dhe tradicionalisht kjo trevë është marrë me bujqësi dhe blegtori, ku shquhet për kullosa të pasura dhe prodhime bujqësore kualitative. Gjatë verës një numër i madh i fermerëve i dërgojnë delet e tyre në kullosat e larta malore ku bari është i bollshëm dhe me kualitet të lartë. Dikur, kjo praktikë ka qenë burim kryesor i rajonit, ku pos fermerëve në Komunën e Dragashit ka funksionuar edhe një kooperativë bujqësore “Sharr prodhimi” e cila është marrë kryesisht me blegtori dhe bujqësi. Në vitet e fundit kjo veprimtari ka rënë ndjeshëm dhe janë të paktë ata blegtorë që i dërgojnë delet në kullosat e larta të Sharrit. Aktivitetet e tilla kryesisht organizohen nga 01 qershori deri më 15 qershor.

Gjeoreferenca: 42.06201366231838, 20.65397819954555
Plus Code – Google Maps: 3M63+VF3, Sheshi I Dëshmorëve, Dragash
Kategoria: Kulturë
Nënkategoria: Ritual tradicional, Ushqime tradicionale.
Statusi ligjor i mbrojtjes: /
A përdoret për turizëm?: Po
Nëse jo, a ka potencial për turizëm në të ardhmen?: Po
Infrastruktura rrugore deri në lokacion: E mirë
Shenjëzimi dhe orientimi deri në lokacion: Po
Tabelat në lokacion: Po